Suriya lideri Bəşər Əsəd İranın xarici işlər naziri Abbas Əraqçi ilə Dəməşqdə görüşündə deyib ki, İran raket hücumu ilə İsrailə dərs verib.
Suriya prezidentinin mətbuat xidməti teleqram kanalında yazır ki, İranın zərbəsi İsrailin dəfələrlə etdiyi pozuntulara və onun törətdiyi hücumlara cavabdır.
Məlumata görə, prezident Əsəd və Əraqçi İsrailin qardaş Livana təcavüzünü dayandırmağın yollarını müzakirə ediblər.
Əraqçinin özü jurnalistlərə əlavə məsləhətləşmələr üçün Dəməşqə gəldiyini bildirib. Gündəmdə Livanda və xüsusilə Qəzza zolağında atəşkəs var.