Bakıda keçiriləcək “Teknofest” festivalında iştirak üçün Azərbaycana gələn “Baykar Texnologiya”nın rəhbəri Səlcuq Bayraqdar Azərbaycan Hərbi Hava Qüvvələrinə məxsus MiG-29 qırıcı təyyarəsi ilə uçub.
Sitat.info Axar.az-a istinadən xəbər verir ki, S.Bayraqtarı uçuş zamanı pilot, polkovnik Zaur Rüstəmov müşayiət edib.
S.Bayraktarın uçduğu MiG-29 "Baykar" şirkəti tərəfindən hazırlanmış “Akıncı” PUA ilə paralel uçuş həyata keçirib.
Qeyd edək ki, "Teknofest" mayın 26-29-da Azərbaycanda keçiriləcək.