28 may tarixi üzrə "Texnofest Azərbaycan" Aerokosmik və Texnologiya Festivalının proqramında dəyişiklik edilib.
Sitat.info Axar.az-a istinadən xəbər verir ki, 28 may tarixi üzrə "Texnofest Azərbaycan"a bilet əldə etmiş izləyicilər saat 20:30-dan sonra festivala daxil ola biləcəklər.
28 May - Müstəqillik Günü ilə əlaqədar festival çərçivəsində möhtəşəm konsert proqramı keçiriləcək. Konsert saat 21:00-da başlayacaq və saat 23:00-da başa çatacaq.
Gün ərzində festival ərazisində hazırlıq işləri aparılacaq. Bu gün üçün bilet əldə edən izləyicilər 20:30-da festivalın keçirildiyi əraziyə daxil ola biləcəklər.