Kremlin Ukraynada apardığı işğalçı müharibə Rusiyanın hərbi xərclərini kəskin artırıb. və müharibəyə xərclənən maliyyə resurslarını tükəndirir. Buna görə də Rusiyanın Ukrayna ilə yanaşı daha iki istiqamətdə - Suriya və Qarabağda hərbi varlığını davam etdirməsi çətinləşir.
Sitat.info xəbər verir ki, bu barədə politoloq Elxan Şahinoğlu qeyd edib. O bildirib ki, Kreml seçim edərkən Suriyadakı hərbi varlığını minimuma endirmək qərarına gəlib.
“Bu, Türkiyənin Suriya ərazisində mövqelərini gücləndirmək üçün yeni imkanlar açır. Kreml Türkiyənin Suriyada PKK və onun törəmələrinə qarşı mübarizəsini əngəl olmaq istəmir. Əksinə, Rusiya xarici işlər naziri Sergey Lavrov Suriyadakı kürdlərin ABŞ-la ittifaqından narahat olduqlarını və bu mənada Türkiyəni anladıqlarını bildirib. Lavrov bu açıqlamanı Kreml sahibi Vladimir Putinin təlimatıyla səsləndirib. Qərbin Rusiyaya qarşı sərtləşən sanksiyaları fonunda Putinin Türkiyə ilə sıx münasibətlərə əvvəlkindən daha çox ehtiyacı var”.
Politoloq hesab edir ki, Rusiya sülhməramlılarının Qarabağdan da çıxmasına ehtiyac var və məsələdə Türkiyə Cümhurbaşqanı Rəcəb Tayyib Ərdoğan da rol ala bilər:
“Ərdoğan bu gün Bakıya gəlir. Rusiya qüvvələrinin Qarabağı da tərk etməsi imkanlarının Bakıda müzakirə ediləcəyi istisna deyil”.
/Axar.az