Rusiyanın işğal əməliyyatı davam edərkən, Ukrayna prezidenti Volodimir Zelenski Moskvanı Rusiyanın hücumlarının cəmləşdiyi Donbas bölgəsində “soyqırım törətməkdə” ittiham edib.
“Rusiyaya təzyiq etmək sözün əsl mənasında həyat qurtarmaq məsələsidir” deyən Zelenski, Rusiyanın Xarkovu yenidən bombaladığını və hücum nəticəsində bir körpə də daxil olmaqla 9 nəfərin öldüyünü açıqlayıb.
Sitat.info xarici mediaya istinadən xəbər verir ki, Dneprdə Rusiyanın hücumları nəticəsində 10 nəfər həyatını itirib.
Meydanda mübarizə bütün intensivliyi ilə davam edir. Son günlər Rusiya qüvvələrinin Donbasda üstünlüyü əldə etdiyi bildirilir.
Rusiyanın Severodonetskə ağır bombardmanları davam edərkən, dünən Rusiyanın Liman şəhəri üzərində nəzarəti bərpa etdiyi iddia edildi. Bu irəliləyişlə Luqansk vilayətində Ukraynanın nəzarətində olan ərazi 5 faizə qədər azalıb.Rusiyanın xaraba qoyduğu Mariupolun cənubunda hər gün yeni cəsədlər tapılır. Şəhərdə dağılmış fabrikin dağıntıları altında işlərə başlandıqdan sonra daha 70 mülki şəxsin cəsədi tapılıb, cəsədlər kütləvi məzarlığa aparılıb.
RUS ƏSKƏRLƏRİNDƏN 58 TONLUQ TALAN !
Rusiyanın müstəqil xəbər saytı “Mediazona”nın araşdırmasına görə, fevralın 24-də başlayan işğaldan bu yana rus əsgərləri evlərinə 58 ton talan mal göndərib. Araşdırmada Ukrayna sərhədi və ilhaq edilmiş Krım yaxınlığında Rusiya və Belarusun 46 filialından göndərilən SDEK yük şirkətinin paketləri araşdırılıb.
Buna uyğun olaraq, rus əsgərlərinin evlərinə idman ayaqqabısı, konserv, televizor, təkər, çadır və hətta İHA göndərdiyi anlaşıldı.
LITVADA BAYRAKTAR KAMPANİYASI !
Ukraynaya dəstəyini davam etdirən Litvada jurnalist və sosial media fenomeni Andrius Tapinasın rəhbərliyi ilə Türkiyədən Ukrayna üçün Bayraktar TB2 SİHA almaq kampaniyası başladılıb. 5 milyon dollara ehtiyacları olduğunu və bu günə qədər 1 milyon dollar topladıqlarını bildirən Litvanın müdafiə naziri Arvydas Anusauskas kampaniyaya dəstək olmaq üçün sosial media hesabından hesab nömrəsini paylaşıb.
Ləman