Ukrayna prezidenti Vladimir Zelenskinin müşaviri Aleksey Arestoviç Rusiya prezidenti Vladimir Putinin onkoloji xəstəliyi barədə dəqiq məlumatlı olduğunu bildirib.
Sitat.info xəbər verir ki, Arestoviç Putinin xərçəng xəstəsi olması ilə bağlı “Qordon” nəşrinin yaradıcısı, ukraynalı jurnalist Dmitri Qordona müsahibəsində deyib.
Onun sözlərinə görə, Rusiya liderinin onurğa sütununda və digər orqanlarında ciddi problemlər var: "Biz 2020-ci ildən dəqiq bilirəm ki, o, həqiqətən də, xərçəng xəstəsidir. Bu, sümük xərçəngidir. Rusiya prezidenti bir neçə ildən sonra xərçəng xəstəliyindən ölə bilər".