Balakəndə yol qəzası iki nəfərin ölümü ilə nəticələnib.
SİTAT.İNFO-nun "Xəzər Xəbər"ə istinadən məlumatına görə, hadisə gecə saat 1 radələrində Balakən rayonu, Talalar kəndi ərazisində baş verib.
Rayonun Şambul kənd sakini 23 yaşlı Elnur Vəliyevin idarə etdiyi minik avtomobili ilə rayon sakini 50 yaşlı Kamran Əhmədovun idarə etdiyi kiçik tutumlu yük avtomobili toqquşub.
Qəza zamanı minik avtomobildə olan sərnişinlər- rayonun Şambul kənd sakinləri 26 yaşlı İbrahim Musayev və 48 yaşlı İlqar Əhmədov hadisə yerində keçiniblər.
Minik avtomobilinin sürücüsü Elnur Vəliyev, eləcə də nəqliyyat vasitəsində olan Şambul kənd sakinləri - 32 yaşlı Şahin Mustafayev, 31 yaşlı Nurlan Musayev, həmçinin yük maşınının sürücüsü Kamran Əhmədov və onun sərnişini Rəfiqə Eminova müxtəlif dərəcəli xəsarətlər alıblar.
Faktla bağlı cinayət işi başlanıb, araşdırma aparılır.