Rusiya ordusu ötən gecə Ukraynanın Xarkov vilayətində bombalı hücum təşkil edib.
Sitat.info xəbər verir ki, Xarkov qubernatoru Oleq Sinegubov verdiyi açıqlamada rusların hücumu nəticəsində mülki şəxslərə ziyan dəydiyini açıqlayıb.
“Rusların hücumları nəticəsində Xarkov şəhərində 3, Xarkov vilayətinin İzyum şəhərində isə 4 nəfər yaralanıb. Bohoduxiv şəhərində 79 yaşlı qadın dünyasını dəyişib”, - deyə o bildirib.
Qubernator Sinebubov Rusiya ordusunun hücumları ilə Xarkov şəhərinin infrastrukturunun zədələndiyini, bombalı hücumlar nəticəsində mənzillərin, avtomobillərin və qarajların alovlandığını bildirib.
Ötən çərşənbə axşamı Rusiya ordusunun Ukraynanın Xarkov vilayətində həyata keçirdiyi hücumlarda 15 mülki vətəndaşın həlak olduğu açıqlanıb.
Nigar,
Sitat.info