Ermənistanın Gümrü şəhərində yerləşən 102-ci rus hərbi bazasının ərazisində yanğın baş verib.
Sitat.info xəbər verir ki, bu barədə Ermənistan Fövqəladə Hallar Nazirliyinin məlumatında deyilir.
Bildirilib ki, hadisə yerinə gələn yanğınsöndürmə briqadaları tikinti materialları anbarının damında yanğının baş verdiyini müəyyən ediblər.
Yanğın 500 kvadrat metri əhatə edib.
Güclü yanğın səbəbindən əraziyə daha iki yanğınsöndürmə briqadası cəlb edilib.