Türkiyənin Azərbaycandakı səfirliyinin mətbuat müşaviri Alptekin Cihangir İşbilir müəllifi olduğu "Çıxış yolu" kitabı nəşr edilib.
Bu barədə Alptekin Cihangir İşbilir "Sitat.info"ya bildirib.
“Bu araşdırma geosiyasi transformasiyanın qanlı nöqtələri olan Suriya və Yəmən hadisələrindən başlayaraq, İslam dünyası üçün sülh formulunun axtarışına və bu dilemmadan çıxış yolunun axtarışına töhfə vermək məqsədi daşıyır.
Bu işi son 20 ildə araşdırdıq və dostlarımızın və tələbələrimizin dəstəyi ilə ərsəyə gətirdik.
Divan Araşdırma və Təhsil Dərnəyinin sədri cənab Sinan Çelikkola, Ərzurum Böyükşəhər Bələdiyyə Başçısı cənab Mehmet Sekmenə, EBB Mədəniyyət İdarəsinin rəisi cənab Ergün Engin və həmkarlarına Akademiyalarımıza verdikləri dəyər və əhəmiyyətə görə təşəkkür edirəm. Əsərin ön sözünü Bakıda yazmaq nəsib oldu. Artıq Azərbaycan və Türkiyə üçün yeni əsərlər yazmağa başlamışam”. -deyə Alptekin Cihangir İşbilir əlavə edib.
Sitat.info