BMT-nin İqlim Dəyişmələri üzrə Çərçivə Sazişinin Tərəflər Konfrasının keçirilməsinə (COP29) hazırlıq çərçivəsində əsas işlər artıq tamamlanıb, lakin proses hələ də davam edir.
Sitat.info xəbər verir ki, bu sözləri COP29-un müəyyən edilmiş Prezidenti Muxtar Babayev deyib.
O bildirib ki, bundan sonrakı zaman kəsiyində görülən işlər BMT-nin Katibliyinə təhvil veriləcək:
"Bu gün həm də yeni uniformaların təqdimatı keçirildi. Bu münasibətlə COP29 komandasını təbrik edirəm. Həmin uniformalar həm rəng, həm də dizayn nöqteyi-nəzərindən zövqlə seçilmiş bir geyimlərdir. Uniformalar həm əməkdaşlara yaraşacaq, həm də COP29-un əməkdaşlarının digər qonaqlardan seçilməsinə imkan verəcək. COP29-a hazırlıq çərçivəsində əsas işlər artıq tamamlanıb, lakin proses hələ də davam edir. Hazırda biz bu tədbirin keçiriləcəyi yerin tam olaraq hazırlanması ilə məşğuluq. Qalan vaxt isə əsasən işlərin BMT-nin katibliyinə təhvil verilməsinə, həm də onlarla razılaşdırmasına sərf olunacaq".