“Britaniya Rusiyanın Ukraynaya müdaxiləsini görməzdən gəlməyəcək”.
APA-nın Britaniya bürosunun verdiyi xəbərə görə, bunu Britaniyanın baş naziri Boris Conson deyib.
O bildirib ki, Rusiya heç bir təxribat olmadan qurudan, dənizdən və havadan geniş işğala başlayıb.
Onun sözlərinə görə, Böyük Britaniya və müttəfiqləri Rusiya iqtisadiyyatını zəiflətmək üçün yeni sanksiyalar paketini işə salacaqlar.
Baş nazir Britaniya vaxtı ilə 17:00- da İcmalar Palatasında Rusiyaya qarşı yeni iqtisadi sanksiyaları açıqlayacaq.