2022-ci ildə Qətərdə keçiriləcək futbol üzrə dünya çempionatında azarkeşlər stadionlarda pivə ala bilməyəcək.
Sitat.info xəbər verir ki, FIFA pivə satışı yerlərini açıqlayıb.
“Ev sahibi ölkə rəsmiləri ilə FİFA arasında aparılan müzakirələrdən sonra Qətərin 2022-ci il Dünya Çempionatı stadionlarından pivə satış məntəqələrinin yığışdırılaraq, FIFA Fan Fest-də, digər azarkeş məkanlarında və lisenziyalı yerlərdə spirtli içkilərin satışının diqqət mərkəzində saxlanılması qərara alınıb.
Bu, Qətərdəki bütün dünya çempionatı stadionlarında mövcud olacaq Bud Zero-nun satışına təsir etməyəcək.
Reuters qeyd edib ki, 2022-ci ildə Qətərdə keçiriləcək dünya çempionatı zamanı stadionlardakı spirtli içkilər yalnız VIP bilet sahiblərinə veriləcək.