Kremldə Ruben Vardanyanın Gorusa getmək istəyərkən Azərbaycan sərhədində saxlanılması barədə məlumat yoxdur.
Sitat.info xəbər verir ki, bunu Kremlin mətbuat katibi Dmitri Peskov deyib.
“Məndə belə bir məlumat yoxdur, ona görə də bu barədə heç nə deyə bilmərəm”, - Peskov bildirib.
Qeyd edək ki, bu gün Dövlət Sərhəd Xidməti Qarabağdakı erməni separatçıların keçmiş liderlərindən biri Ruben Vardanyanın Ermənistan istiqamətində hərəkət edərkən saxlanıldığı və Çevik Hərəkət Qüvvələri əməkdaşlarının müşayiəti ilə Bakı şəhərinə gətirildiyi barədə məlumat yayıb.