Ukrayna və NATO birlikdə bu ölkəni Alyansın prinsiplərinə uyğunlaşdırmaq üçüb xüsusi proqram üzərində işləyir.
Sitat.info xəbər verir ki, Ukrayna prezidenti Vladimir Zelenski, hazırda Ukrayna və NATO üzvü olan ölkələrin faktiki olaraq müttəfiq olduğunu deyib.
NATO-nun baş katibi Yens Stoltenberqlə birgə keçirdiyi brifinqdə Zelenski vurğulayıb ki, Ukraynanın Alyansa üzv olması yalnız zaman məsələsidir.
"Bu gün de-fakto müttəfiqlər arasında söhbət oldu. Və bu zaman məsələsidir - Ukraynanın nə vaxt Alyansa üzv olacağı. Biz bu vaxtın yaxınlaşması üçün hər şeyi edirik".
Zelenskinin sözlərinə görə, Ukrayna artıq NATO sərhədlərini qoruyur.
Ukrayna prezidenti və NATO-nun baş katibi bugünkü danışıqlarda Rusiya terrorundan qorunma, Rusiyaya təzyiq və Ukrayna hava qalxanının gücləndirilməsi məsələlərini müzakirə ediblər.
Ayrı-ayrılıqda onlar Rusiyanın Ukrayna infrastrukturuna gözlənilən hücumları ilə bağlı vəziyyəti və bununla əlaqədar NATO-ya üzv dövlətlər tərəfindən əlavə hava hücumundan müdafiə sistemlərinin tədarükünü müzakirə ediblər.
Nərgiz,
Sitat.info