Dağıstanda dəhşətli partlayış baş verib.
Sitat.info "RİA Novosti"yə istinadən xəbər verir ki, partlayış Mahaçqalada yanacaqdoldurma məntəqəsində baş verib. İlkin məlumatda deyilirdi ki, partlayış nəticəsində ikisi uşaq olmaqla altı nəfər həlak olub.
Rusiya Fövqəladə Hallar Nazirliyi həlak olanların sayının 10 nəfərə çatdığını bildirsə də, Səhiyyə Nazirliyi daha iki nəfərin öldüyünü bildirib. "TASS" xəbər verib ki, yanacaqdoldurma məntəqəsinin binası dağılıb, iki minik avtomobili və bir yük maşını zədələnib.