İsrailin blokada altındakı Qəzza zolağına amansız və dağıdıcı hücumları 417 gündür aramsız olaraq davam edir.
Sitat.info xarici mediaya istinadən xəbər verir ki, şiddətli hücumlar nəticəsində məcburi köçkün olan fələstinlilər Qəzzanın şimalındakı şəhər stadionunda qurduqları müvəqqəti çadırlarda ikinci qışı keçirməyə başlayıblar.
Qəzzaya havadan və qurudan edilən hücumlar, sərhəd qapılarına tətbiq edilən tam embarqo səbəbindən bölgədəki "humanitar böhran" getdikcə dərinləşir. Qışın gəlməsi ilə birlikdə çadırlara sığınan fələstinlilər soyuq hava və şiddətli yağışla mübarizə aparır.
Bölgədə yanacaq tədarükünün olmaması səbəbindən istilik problemi yaşayan qəzzalılar köhnəlmiş çadırlarda adi bir yağışdan belə qoruna bilmirlər. Qəzzanın şimal hissəsinin müxtəlif yerlərdən Stadiona köç edən fələstinlilər soyuq hava və yağış qarşısında aciz olduqlarını bildiriblər.
Tehran,
Sitat.info