ABŞ-nin keçmiş prezidenti Bill Klintonun adı Ceffri Epşteyn işi ilə bağlı müzakirələr fonunda yenidən gündəmə gəlib.
Sitat.info xəbər verir ki, bu barədə "The Hill" qəzeti məlumat yayıb.
Məlumata görə, 1993–2001-ci illərdə ABŞ prezidenti vəzifəsində çalışmış Bill Klinton maliyyəçi Ceffri Epşteynlə bağlı işin tam şəkildə açıqlanmasına çağırıb və onunla əlaqələri barədə Konqresdə verdiyi ifadənin ictimaiyyət üçün açıq keçirilməsini tələb edib.
Klinton bildirib ki, Konqresdə qapalı formatda keçirilən ifadələr Nümayəndələr Palatasının Nəzarət Komitəsindəki respublikaçılar üçün qənaətbəxş deyil.
O xatırladıb ki, Komitənin sədri Ceyms Komer ifadələrin videoya çəkiləcəyini açıqlasa da, bu proses yalnız qapalı qapılar arxasında baş tutub.
Onun sözlərinə görə, bu yanaşma faktların müəyyənləşdirilməsinə yox, partiya maraqlarına xidmət edir:
"Əgər respublikaçılar cavab almaq istəyirlərsə, oyun oynamağı dayandırmalıdırlar. Eyni zamanda bu prosesi Amerika ictimaiyyətinin nə baş verdiyini aydın şəkildə görə biləcəyi açıq dinləmələr formatında keçirməlidirlər".