Ötən gün "İdrak" liseyində şagirdi tərəfindən güllələnən müəllimin durumu hazırda stabildir.
Bu barədə Sitat.info-ya TƏBİB-dən bildirilib.
"1997-ci il təvəllüdlü şəxsin (qadın) müalicəsi hazırda Reanimasiya şöbəsində davam etdirilir, vəziyyəti stabil qiymətləndirilir", - məlumatda qeyd olunub.
Qeyd edək ki, ötən gün saat 09:00 radələrində Binəqədi rayonunda yerləşən özəl “İdrak” liseyinin 10-cu sinif şagirdi Ə.Ş. atasına məxsus ov silahı ilə məktəbə gələrək müəllimi Şəhla Kamilovaya xəsarət yetirib.
Şagird polis əməkdaşları tərəfindən saxlanılıb.