Bu gün Milli Məclisə növbədənkənar seçkilərlə bağlı 105 saylı Tovuz-Gədəbəy seçki dairəsindən deputatlığa namizəd Nağıyev Arzu Nəsib oğlunun təbliğat- təşviqat kampaniyası çərçivəsində Tovuz rayonunun Əhmədabad, Qoçdərə və Avdal kəndlərində seçicilərlə görüş keçirilib.
Sitat.info xəbər verir ki, ilk olaraq torpaqlarımızın qorunması uğrunda canından keçən şəhidimizin məzarı ziyarət olunaraq, əziz xatirəsi böyük ehtiramla yad edilib, məzarı üzərinə tər çiçəklər qoyulub.
Daha sonra seçicilərlə görüş keçirilərək namizədin platforması açıqlanıb, seçicilərin fikir və təklifləri dinlənilərək müvafiq qeydlər aparılıb.
Həmçinin I Qarabağ müharibəsi zamanı itkin düşən əsgər Qasımov Nürəddin Mikayıl oğlunun anası Sinayə xanım Qasımova evində ziyarət edilərək başsağlığı və səbr diləkləri çatdırılıb.
Allahdan bütün şəhidlərimizə rəhmət diləyir, onları dərin ehtiramla anır, ruhları qarşısında baş əyirik…
