Qadın futbolçulardan ibarət Belarus və Azərbaycan milli komandaları növbəti yoldaşlıq görüşündə üz-üzə gəliblər.
Sitat.info xəbər verir ki, Minskdəki "Traktor" stadionunda təşkil olunmuş matç meydan sahiblərinin qələbəsi ilə yekunlaşıb - 2:0.
Hər iki qol ikinci hissəyə təsadüf edib. 49-cu dəqiqədə Anastasiya Linnik, 66-ci dəqiqədə Anastasiya Şlapakova fərqlənib.
Qeyd edək ki, bu komandalar arasındakı ilk yoldaşlıq görüşündə də Belarus qalib gəlib - 3:0.