Özbəkistan Qəzza sektorunun idarə olunması məqsədilə yaradılması nəzərdə tutulan "Sülh Şurası”na qoşulmağa hazırdır.
Bu barədə Özbəkistan Prezidenti Şavkat Mirziyoyevin mətbuat katibi Şerzod Asadov "Telegram” kanalında yazıb.
"Özbəkistan Respublikasının Prezidenti Şavkat Mirziyoyevə ABŞ Prezidenti Donald Trampdan Yaxın Şərqdə sülhün möhkəmləndirilməsi və münaqişələrin tənzimlənməsinə yönəlmiş beynəlxalq təşəbbüsə qoşulmaqla bağlı rəsmi dəvət daxil olub. Dövlətimizin başçısı amerikalı həmkarına cavab məktubu göndərərək, Özbəkistanın ”Sülh Şurası”na təsisçi dövlət qismində qoşulmağa hazır olduğunu ifadə edib”, – o bildirib.