Türkiyə Prezidenti Rəcəb Tayyib Ərdoğan ABŞ Prezidenti Donald Trampa İranla üçtərəfli sammit keçirməyi təklif edib.
Sitat.info xəbər verir ki, bu barədə Türkiyənin “Hürriyyət” qəzetinin köşə yazarı Hande Fırat məlumat yayıb.
“Ərdoğan bu təklifi 27 yanvarda Trampla telefon danışığı zamanı səsləndirib. Bunun videokonfrans vasitəsilə təşkil edilməsi mümkündür. Tramp Ərdoğanın təklifinə müsbət yanaşıb”, - Fırat bildirib.
Onun sözlərinə görə, İranın xarici işlər naziri Abbas Arakçı bu həftənin sonlarında türkiyəli həmkarı Hakan Fidanla danışıqlar aparmaq üçün Türkiyəyə səfər edəcək.