İran prezidenti Məsud Pezeşkian ölkədəki internet məhdudiyyətlərini tənqid etdi.
Sitat.info xəbər verir ki, İran Prezidentliyinin yazılı açıqlamasına görə, Pezeşkian çıxışında kiberməkanda məhdudiyyət siyasətini tənqid edərək, bu siyasətin praktik nəticələr vermədiyini bildirib.
İran lideri Ayətullah Əli Xamenei ilə görüşlərində bu məsələni dəfələrlə qaldırdığını deyən Pezeşkian deyib: "Biz kiberməkanda filtrləmə siyasətini həyata keçirdik, amma reallıq budur ki, bu sadəcə bir şeyi ört-basdır etmək kimidir. Bu gün hətta dindar gənclər arasında da istifadəçilərin əhəmiyyətli bir hissəsi məhdudiyyətləri keçmək üçün vasitələrdən istifadə edir. Bu, problemin yalnız səthi məhdudiyyətlər tətbiq etməklə həll edilə bilməyəcəyini, əksinə real və düzəldici yanaşma ilə həll edilməli olduğunu göstərir."
Pezeşkian qadağaların problemi həll etmədiyini vurğulayaraq, VPN istifadəsinin cəmiyyətin müxtəlif təbəqələrində olduqca geniş yayıldığını qeyd edib. O, bildirib ki, "Filtrləmə tətbiq etdiyimiz zaman bəzi insanlar VPN satır və heç bir səy göstərmədən pul qazanırlar. Bu reallığı görə bilmirikmi? Niyə gözlərimizi yumuruq və inkar edirik?".
Tehran,
Sitat.info