Ukrayna Prezidenti Vladimir Zelenski yeni sanksiya paketlərinin tətbiqi ilə bağlı Milli Təhlükəsizlik və Müdafiə Şurasının qərarını qüvvəyə mindirən fərmanlar imzalayıb.
Sitat.info xəbər verir ki, bu barədə "İnterfaks-Ukrayna" məlumat yayıb.
Bildirilib ki, qərarlardan biri Rusiyanın "kölgə donanması"na qarşı mübarizəyə yönəlib.
Belə ki, Rusiya neft məhsullarını ixrac edən gəmilərin 225 kapitanına qarşı sanksiyalar tətbiq edilib. Onların arasında 11 ölkənin, xüsusilə Rusiya, Hindistan və Filippin vətəndaşları var.
Ukrayna Prezidentinin saytında qeyd olunub ki, qərarlardan biri Rusiyanın "kölgə donanması"na qarşı mübarizəyə yönəlib: Rusiya neft məhsullarını ixrac edən gəmilərin 225 kapitanına qarşı sanksiyalar tətbiq edilib. Onların arasında 11 ölkənin, xüsusilə Rusiya, Hindistan və Filippin vətəndaşları var.
İkinci sanksiya paketinə Rusiyanın 46, İranın 2 vətəndaşı və Rusiyanın hərbi-sənaye kompleksinə xidmət göstərən bu ölkəyə məxsus 44 şirkət daxil edilib.
"Onların arasında Rusiyanın hərbi-sənaye kompleksinin ehtiyacları üçün texnika, radioelektron mübarizə vasitələri və ehtiyat hissələrini tədarük, istehsal və təmir edənlər var. Onların məhsulları ballistik və qanadlı raketlərin, zərbə və kəşfiyyat dronlarının, atıcı silahların və döyüş sursatlarının istehsalında istifadə olunur", - məlumatda qeyd olunub.