Ötən gecə saat 3:30 radələrində Rusiya qüvvələri 500 kq-lıq hava bombaları ilə Xarkova hücum edib.
Sitat.info xəbər verir ki, Saltovski və Şevçenkovski rayonları bomba yağışına tutulub.
Saltovkada hündürmərtəbəli bina yerlə-yeksan olub.
Xarkov Vilayət Dövlət Administrasiyasının sədri Oleq Sinegubovun sözlərinə görə, zərbə nəticəsində 25 nəfər yaralanıb.
Onların vəziyyəti orta-ağır qiymətləndirilir. Bundan əlavə, 4-ü uşaq olmaqla 30 nəfər təxliyə edilib.
Hazırda xilasedicilər dağıntıları təmizləməyə davam edirlər. Hava bombası evin 1-ci mərtəbədən 3-cü mərtəbəyə qədər olan girişini dağıdıb. Yaxınlıqdakı yaşayış binalarına, 5 avtomobilə və metrostansiyanın çıxışlarına da ziyan dəyib.
Ombudsman Dmitri Lubinetsin sözlərinə görə, dağıntılar altında hələ də insanlar var.
Seymur,
Sitat.info
