Sosial şəbəkədə yeni dələduzluq üsulu yayılıb. "Baku electronics"də çalışan şəxsin adından yayılan açıqlamada insanların emosiyalarına təsir edərək məlumatları ələ keçirilir.
Sitat.info-nun məlumatına görə guya 7 il adıçəkilən mağazada çalışan şəxs şirkəti ifşa etmək qərarına gəlir və ucuz qiymətə televizor almağın yollarını açıqlayır. Mətn o qədər inandırıcı və axıcıdır ki, insanlar aldanaraq ucuz tv almaq üçün linkə daxil olurlar. Həmin anda isə məlumatlar ələ keçirilir.
Qeyd edək ki, "Baku electronics" mövcud dələduzluq halı ilə bağlı hüquq-mühafizə orqanlarına müraciət etdiklərini bildiriblər.
