İngiltərənin “Liverpul” klubu mövsümün sonunda komandadan ayrılacağı gözlənilən misirli ulduz Məhəmməd Salahın yerini doldurmaq üçün transfer bazarında aktiv fəaliyyətə başlayıb.
Sitat.info “The Touchline” nəşrinə istinadən xəbər verir ki, “mersisaydlılar” hücum xəttini gücləndirmək üçün Madrid “Real”ının braziliyalı vingeri Rodriqonu əsas hədəf olaraq müəyyənləşdiriblər.
24 yaşlı futbolçunun “kral klubu”ndakı gələcəyi və oyun vaxtı ilə bağlı narazılıqları “Liverpul”un bu transferdə şanslarını artırır.
Bundan başqa, Salahın potensial xələfləri siyahısında “Nyukasl”da nümayiş etdirdiyi oyunla diqqət çəkən Entoni Qordonun da adı yer alıb. İngiltərə millisinin üzvü olan Qordonun transferi üçün “qarğalar”ın təxminən 95 milyon funt-sterlinq tələb etdiyi bildirilir. Həmçinin klubun alternativ olaraq “Atletik Bilbao”dan Niko Vilyams və “Bayer Leverkuzen”dən Florian Virts kimi oyunçularla da maraqlandığı iddia olunur.
Qeyd edək ki, hazırda “Liverpul” 26 oyundan sonra topladığı 42 xalla İngiltərə Premyer Liqasının turnir cədvəlində altıncı pillədə qərarlaşıb.