Zəngəzurda saxlanılan azərbaycanlı hərbçi İrəvana aparıldı
Zəngəzurun Şəki kəndində saxlanılan azərbaycanlı hərbçi Nəsimi Musayev insidentdən sonrakı gecə Sisyan xəstəxanasından İrəvandakı tibb mərkəzlərindən birinə aparılıb.
Sitat.info xəbər verir ki, bu barədə nəşrə mənbələr məlumat verib.
Müvafiq dövlət qurumları isə Azərbaycan vətəndaşının hansı tibb mərkəzində saxlanıldığını və vəziyyətinin necə olduğunu açıqlamır.
Qeyd edək ki, oktyabrın 2-də Ermənistanın Baş Prokurorluğu naməlum şəraitdə sərhədi keçərək Zəngəzurda saxlanılan Azərbaycan əsgəri barədə cinayət işi başladıb.
Xatırladaq ki, Azərbaycanlı hərbçi naməlum şəraitdə Ermənistan ərazisinə keçib. Oktyabrın 1-də yerli vaxtla saat 14:15-də Zəngəzurun Şəki kəndində Azərbaycan əsgəri Ermənistan təhlükəsizlik orqanları tərəfindən saxlanılıb./oxu.az
