Bu gün yazıçı, psixoloq İlqar Kamilin mərhum ilahiyyatçımız Hacı Şahin Həsənli haqqında yazdıdğı "Kostyumlu övliya" kitabının müzakirəsi baş tutub.
Sitat.info xəbər verir ki, KOD Psixologiya Mərkəzində baş tutan tədbirdə müəllif çıxış edərək, kitabın ərsəyə gəlməsindən danışıb, təqdimatdan sonra oxucularla görüşün mühüm olduğunu və təəssüratları dinləməkdən məmnunluğunu ifadə edib.
Tədbirdə ilahiyyatçı Bəhruz Camal, psixoloq Nuranə Məmmədova, "Əmanət" layihəsinin rəhbəri Sərxan Bağırlı, Sitat.info saytının baş redaktoru Nərgiz Liftiyeva və digər iştirakçılar əsəri yüksək qiymətləndirməklə yanaşı, fikirlərini, təəssüratlarını da bölüşüblər, yazıçı ilə maraqlı fikir mübadiləsi aparıblar.
Görüşdə Hacı Şahin Həsənli rəhmət və sevgi ilə yad edilib, onunla bağlı xatirələr danışılıb. Müzakirələrin növbəti həftələrdə də davam edəcəyi gözlənilir.
Qeyd edək ki, kitabın ilk nəşri böyük maraqla qarşılanıb və artıq ikinci nəşri ilə oxucuların görüşünə gəlib.
Məğrur,
Sitat.info
