Ukrayna prezidenti Vladimir Zelenski videomüraciətində Donald Trampın seçki şüarını dəyişdirərək Rusiyaya mesaj göndərib. Onun köynəyinin üzərindəki yazı Moskvanı qəzəbləndirib.
Sitat.info xəbər verir ki, ABŞ prezidentliyinə namizəd Donald Trampın “Amerikanı yenidən möhtəşəm et” şüarına istinad edən Zelenskinin köynəyində “Rusiyanı yenidən kiçik et” yazılıb.
Zelenski 23 oktyabr tarixli videomüraciətində bu köynəyi geyərkən ABŞ-ın Ukraynaya yeni dəstəyindən danışıb və “Mən ABŞ-a və bütün G7 ölkələrinə dəstəklərinə görə minnətdaram” -deyib.
Rusiya Xarici İşlər Nazirliyindən Zelenskinin mesajına dərhal cavab gəlib. Xarici İşlər Nazirliyinin sözçüsü Mariya Zaxarova X hesabında paylaşıb: "Nə qədər kiçik? Sovet İttifaqı qədər, yoxsa Rusiya İmperiyası qədər?" – deyə soruşdu.
Nərgiz,
Sitat.info