Litva hava limanına yük təyyarəsi qəzaya uğrayıb, bir nəfər ölüb.
Sitat.info Röytersə istinadən xəbər verir ki, DHL şirkətinə məxsus yeni yük təyyarəsi bazar ertəsi səhər tezdən Litvanın Vilnüs hava limanında yerə enərkən qəzaya uğrayıb, sürüşərək evə çırpılıb və təyyarədə olan bir nəfər həlak olub.
Təyyarədə olan digər üç nəfər yaralanıb, lakin yerdə olanlardan heç kim xəsarət almayıb.
Planlaşdırılan reys DHL adından Swiftair aviaşirkəti tərəfindən həyata keçirilib və Almaniyanın Leypsiq şəhərindən havaya qalxıb.
Litva rəsmiləri bildirib ki, təyyarə 03:30 GMT radələrində eniş üçün təyinat aeroportuna yaxınlaşarkən qəzaya uğrayıb.
Seymur,
Sitat.info