İsrail televiziyası Təl-Əviv rəhbərliyi ilə Hizbullah qruplaşması arasında mümkün atəşkəsin bu axşam elan ediləcəyini və sabah səhər qüvvəyə minəcəyini bildirib.
Sitat.info xəbər verir ki, Kanal 12-də yayımlanan xəbərdə adı açıqlanmayan yüksək səviyyəli rəsmilər Livanda mümkün atəşkəsin bu axşam elan ediləcəyini bildiriblər.
Sözügedən atəşkəsin sabah səhər saatlarında qüvvəyə minəcəyi bildirilib.
Digər tərəfdən, Livanın Əl-Cədid televiziyası Türkiyə vaxtı ilə saat 23:00-da ABŞ və Fransanın birgə bəyanatı ilə mümkün atəşkəsin elan ediləcəyini paylaşıb.
Xatırladaq ki, ABŞ prezidenti Co Baydenin baş müşaviri Amos Hokşteyn Livanda atəşkəsə nail olmaq üçün keçən həftə Beyrut və İsrailə səfər edib.
O, noyabrın 20-də Beyrutda verdiyi bəyanatda atəşkəs danışıqlarında irəliləyiş əldə edildiyini bildirmişdi.
Nigar,
Sitat.info