2020-ci il 29 iyulunda dövlət qeydiyyatına alınan, Azərbaycanın aparıcı qeyri hökumət təşkilatlarından biri olan “İnkişafa və İslahatlara Dəstək” İctimai Birliyinə yeni müavin seçilib. Tanınmış jurnalist Xəqani Əliyev bundan sonra fəaliyyətini “İnkişafa və İslahatlara Dəstək” İctimai Birliyinin müavini kimi davam edəcək. Xatırladaq ki, “İnkişafa və İslahatlara Dəstək” İctimai Birliyi çoxsaylı layihələr icra edib. Birlik Vətən Müharibəsi ərəfəsində ön cəbhədə döyüşən ordumuza lazım olan dəstəyi verib. Məhz 44 günlük müharibədə birliyin sədri Ramil Əliyev ordumuz üçün zəruri olan əşyaları ön cəbhədə onlara çatdırıb.