Son 15 gündə 25 mindən çox suriyalı Türkiyədən öz ölkələrinə geri qayıdıb.
“Qafqazinfo” “TRT Haber”ə istinadən xəbər verir ki, bu barədə məlumatı Türkiyənin daxili işlər naziri Ali Yerlikaya açıqlayıb.
Onun sözlərinə görə, ümumilikdə 2017-ci ildən etibarən 763 443 suriyalı könüllü şəkildə ölkələrinə qayıdıb.
Xatırladaq ki, ölkələrində gedən vətəndaş müharibəsi zamanı Türkiyəyə sığınan suriyalılar 61 illik “Baas” rejiminin devrilməsindən sonra kütləvi şəkildə Suriyaya qayıtmağa başlayıblar.