ABŞ-ın Los-Anceles şəhəri və ətraflarında günlərdir davam edən yanğınlarda həyatını itirənlərin sayının 25-ə yüksəldiyi, bölgədəki hava şəraitinin alov tornadolarına səbəb ola biləcəyi bildirilib. .
Sitat.info xəbər verir ki, Los-Anceles rəsmiləri şəhərdə 9 gündür davam edən meşə yanğınları ilə bağlı yenilənmiş təfərrüatları paylaşıb.
Belə ki, yanğınlarda həyatını itirənlərin sayının 25-ə yüksəldiyini, 12 mindən çox tikilinin dağıldığını bildiriblər.
Palisades və Eaton bölgələrində günlərdir davam edən yanğının böyük ölçüdə nəzarət altına alınıb. Milli Meteoroloji Xidmət güclü külək və quru hava şəraiti səbəbindən yeni yanğınların başlaya biləcəyi barədə xəbərdarlıq edib.
Meteoroloqlar bölgədəki hava şəraitinin yanğın tornadolarına səbəb ola biləcəyi deyiblər. Hündürlüyü 10-50 metrə çata bilən nadir alov tornadoları yanğının intensivliyini artırır və alovun böyüməsinə səbəb olur.
Təxminən 150.000 insan üçün təxliyə əmri verilib
Yanvarın 7-də səhər saatlarında Los-Ancelesin müxtəlif yerlərində başlayan və güclü külək səbəbindən sürətlə yayılan yanğınlar indiyədək 37 min hektardan çox ərazini külə çevirib. Yanğınlarla əlaqədar 150 minə yaxın insan üçün təxliyə əmri verilib.
Davam edən yanğınlar nəticəsində dəyən ümumi zərər və iqtisadi itkilər 250-275 milyard dollar arasında qiymətləndirilir.
Fatimə,
Sitat.info