Dekabr ayında Cənubi Koreyada qəzaya uğrayan və 179 nəfərin ölümü ilə nəticələnən Jeju Air sərnişin təyyarəsi ilə bağlı ilkin hesabat açıqlanıb.
Sitat.info xəbər verir ki, məlumata görə, qəzaya səbəb olduğu güman edilən quşların vurduğuna dair dəlillər aşkar edilib.
İlkin araşdırmaya görə, təyyarənin hər iki mühərrikdə Baykal mallard növünə aid lələk və qan ləkələri aşkar edilib. Köçəri ördək növü olan Baykal mallard böyük sürülərdə uçur. Rəsmilər bildiriblər ki, qəzanın səbəbləri ilə bağlı araşdırmalar uçuş-enmə zolağının sonundakı beton konstruksiyaya, eləcə də quşların vurmasına diqqət yetirəcək.
Xəbərdə Boeing 737-800 tipli təyyarənin mühərriklərinin ətraflı şəkildə araşdırılacağı və qəzadan təsirlənən beton konstruksiyasının təhlil ediləcəyi bildirilib.
Pilot "mayday" zəngi etmişdi
Jeju Air şirkətinə məxsus təyyarə dekabrın 29-da səhər saatlarında Banqkokdan havaya qalxıb və Cənubi Koreyanın cənub-qərbindəki Muan Beynəlxalq Hava Limanına gedirdi.
Saat 08.57-də qüllə ilə əlaqə saxlayan pilotlara “quşların fəaliyyətinə diqqət yetirmələri” barədə xəbərdarlıq edilib. Saat 08:59-da pilot quşu vurduqlarını və "mayday" zəngi etdiklərini bildirdi.
Pilot əks istiqamətdən eniş üçün icazə istəyib, lakin eniş şassi işə salınmadan gövdə üzərində baş verib. Təyyarə beton konstruksiyaya çırpılmadan və partlamadan əvvəl uçuş-enmə zolağının sonuna qədər sürüşüb.
Nigar,
Sitat.info