Türk Dövlətləri Təşkilatının (TDT) 12-ci rəsmi Zirvə görüşü Azərbaycanda baş tutacaq.
Sitat.info xəbər verir ki, bunu Türkiyənin xarici işlər naziri Hakan Fidan bildirib.
Zirvə görüşünün tarixi dəqiq açıqlanmayıb.
Hakan Fidan əlavə edib ki, qeyri-rəsmi Zirvə görüşü Macarıstanda keçiriləcək.
Xatırladaq ki, TDT-nin 11-ci Zirvə görüşü ötən il noyabrın 6-da Qırğızıstanın paytaxtı Bişkekdə baş tutub.
Təşkilatın üzvləri Azərbaycan, Türkiyə, Qazaxıstan, Qırğızıstan və Özbəkistandir. Macarıstan, Türkmənistan və Şimali Kipr Türk Respublikası isə qurumun müşahidəçi üzvləridir.