Mingəçevirdə Vətən müharibəsi iştirakçısı bıçaqlandı

Mingəçevirdə bıçaqlanma qeydə alınıb.

Sitat.info “Qafqazinfo”ya istinadla xəbər verir ki, hadisə şəhər ərazisində qeydə alınıb.

1999-cu il təvəllüdlü Elgün Rzayev bıçaq xəsarətləri ilə Mingəçevir Şəhər Mərkəzi Xəstəxanasına çatdırılıb.

İlkin məlumata görə, hadisəni törətməkdə 1991-ci il təvəllüdlü Vüsal Kazımlı şübhəli bilinir. Onun Elgün Rzayevi mübahisə zamanı bıçaqladığı bildirilir.

Qeyd edək ki, yaralanan Elgün Rzayev Vətən müharibəsinin iştirakçısıdır.

Faktla bağlı araşdırma aparılır.

Hadisə ilə bağlı DİN-dən bildirilib ki, gecə saat 02:00 radələrində Mingəçevir şəhəri ərazisində bıçaqlanma olub. 27 yaşlı Elgün Rzayev kəsilmiş deşilmiş xəsarətlərlə xəstəxanaya müraciət edib.

Əməli törədən şəxsin saxlanılması istiqamətində polis tərəfindən tədbirlər həyata keçirilir.