Ukrayna prezidenti Vladimir Zelenski Fransadan göndərilən “Mirage 2000” qırıcılarının gəlişini təsdiqləyib.
Sitat.info UNİAN-a istindadən xəbər verir ki, bu barədə dövlət başçısı X sosial şəbəkəsində məlumat verib.
"Ukraynanın hava donanması genişlənməkdə davam edir. İlk "Mirage 2000" qırıcıları artıq Fransadan gəlib ki, bu da bizim hava hücumundan müdafiə imkanlarımızı gücləndirəcək", - Zelenski qeyd edib.
Ukrayna prezidenti fransalı həmkarı Emmanuel Makrona rəhbərliyinə və dəstəyinə görə təşəkkür edib: "Fransa prezidenti sözünün üstündədir və biz bunu yüksək qiymətləndiririk. Bu, Ukraynanın təhlükəsizliyinin möhkəmləndirilməsi istiqamətində növbəti addımdır".
Aytac,
Sitat.info