İsrailin Baş naziri Benyamin Netanyahu bildirib ki, HƏMAS şənbə günü, fevralın 15-i günortaya qədər bütün girovları azad etməsə, İsrail Müdafiə Qüvvələri Qəzza zolağında döyüşləri bərpa edəcək.
Sitat.info xəbər verir ki, bu barədə Netanyahu videomüraciəti zamanı danışıb..
Onun sözlərinə görə, HƏMAS-ın razılaşmanı pozmaq və girovları azad etməmək qərarına gəldiyini açıqlaması səbəbindən İsrail ordusuna qüvvələri Qəzza və ətrafına cəmləşdirməyi əmr edib.
Netanyahu əlavə edib ki, HƏMAS xalqı geri qaytarmasa, atəşkəs ləğv ediləcək və HƏMAS tamamilə məğlub olana qədər Qəzzada gərgin döyüşlər davam etdiriləcək.
