"İstənilən ev heyvanı infeksiya daşıyıcısı ola və sahiblərini allergiyaya və yüksək həyəcanlılığa məruz qoya bilər".
Sitat.info xəbər verir ki, bunu "İzvestiya" nəşrinə rusiyalı həkim Aleksandra Filyova deyib.
Onun sözlərinə görə, ev heyvanları ilə birgə yatmaq həyəcanlılığı artırır və yuxusuzluğa gətirib çıxarır: "Narahat pişiklər və itlər sahiblərinə normal yatmağa imkan vermir. Yarımçıq yatmaq isə ürək-damar xəstəlikləri riskini artırır".
Filyova qeyd edib ki, ev heyvanları ilə əlaqə allergik reaksiyaya da səbəb ola bilər:
"Çoxları düşünür ki, ev heyvanlarının ancaq tükü allergiya doğurur. Əslində isə əsas allergenlər onların selikli qişasında, sidiyində, piy vəzilərində və dəri pulcuqlarındakı zülallardır".
Həkim əlavə edib ki, ev heyvanları, o cümlədən pişik və itlər sahibləri üçün hermintlər, toksoplazmoz, qaşıqvarı xoralar və quduzluq kimi xəstəlik riskləri daşıyır. Ekspert yoluxma riskini azaltmaq üçün məsləhət də verib:
"Heyvanlarla hər təmasdan sonra əl sabunla yuyulmalı, ev heyvanları isə müntəzəm olaraq baytar tərəfindən profilaktik müayinədən keçirilməli və bütün zəruri peyvəndlər vurulmalıdır".