Ukrayna Silahlı Qüvvələrinin (SQ) Baş komandanı Aleksandr Sırski bəyan edib ki, Ukrayna üçün öz ərazisini təslim etmək qəbuledilməzdir.
Sitat.info xəbər verir ki, bu barədə “RBK-Ukraina” məlumat yayıb.
Baş komandan ərazilərin verilməsi ilə bağlı səslənən fikirləri rədd edib:
“Əlbəttə, əraziləri vermək bizim üçün qəbuledilməzdir. Ümumiyyətlə, biz torpağımızı niyə onlara verməliyik?! Odur ki, biz ərazimizi kimsəyə verməyəcəyik”.
Onun sözlərinə görə, Ukrayna üçün ədalətli sülh “ilkin şərtlər olmadan sülh”, habelə ərazilərdən imtina edilməməsi və cəbhə xətti boyunca atəşkəsin dayandırılması deməkdir.
Xatırladaq ki, bundan əvvəl A. Sırski Pokrovskun itirilməsi ilə bağlı informasiyaları təkzib etsə də, Rusiya tərəfi şəhərə nəzarəti ələ keçirdiyini bildirmişdi.