Biz Amerika ilə danışıqlar apardıq və razılığa gəlməyə hazır idik, amma onlar müharibə ilə razılaşmanı pozdular.
Sitat.info xəbər verir ki, bunu İran Prezidenti Məsud Pezeşkian deyib.
“Amerika hazırda danışıqları davam etdirmək üçün İranın qarşısında alçaldıcı şərtlər irəli sürür. Mən bunu qəbul edə bilmərəm. Biz rüsvayçılığa boyun əyməyəcəyik və zəif, parçalanmış İranı qəbul etməyəcəyik”, - Pezeşkian qeyd edib.
O, Xameneinin ölkənin nüvə silahı yaratmaq niyyətində olmadığına dair əvvəlki mövqeyini də təkrarlayıb və İranın istənilən yoxlamaya hazır olduğunu vurğulayıb.