ABŞ təmsilçisi “Kolambus Kru”ya keçən Nəriman Axundzadənin gedişi ilə onun adı “Qarabağ”ın Çempionlar Liqası üçün iştirak ərizəsindən çıxarılıb.
Sitat.info xəbər verir ki, nəticədə siyahıda bir yer boşalıb.
İndi maraqlı olan budur ki, N.Axundzadənin yerinə Ağdam klubu hansısa futbolçunu əlavə edəcək, yoxsa mümkün olmayacaq.
Klubdan aldığımız məlumata görə, 22 yaşlı forvardın yerinə heç bir futbolçunun adı əlavə olunmayacaq.
Buna səbəb isə 2004-cü il təvəllüdlü Nərimanın “Qarabağ”ın yetirməsi kimi B siyahısında yer almasıdır.
“Qarabağ” onun əvəzinə yalnız öz akademiyasından futbolçu əlavə edə bilər ki, bu da Çempionlar Liqası kimi turnirdə böyük önəm kəsb etmir.
Ona görə də Nərimanı Çempionlar Liqası siyahısında kimsə əvəz etməyəcək.