Peskov: Bizə atəşkəs yox, sülh lazımdır
Rusiya Ukrayna münaqişəsi üzrə müvəqqəti atəşkəs deyil, sülhün son şəkildə əldə edilməsinin tərəfdarıdır.
Sitat.info xəbər verir ki, bu barədə RF prezidentinin mətbuat katibi Dmitri Peskov "İnterfaks" agentliyinə açıqlama verib.
"Heç nə dəyişməyib. Bizə atəşkəs deyil, sülh lazımdır", - o bildirib.
Bu arada, Rusiya dövlət başçısının köməkçisi Yuri Uşakov bildirib ki, Rusiya Prezidenti Vladimir Putin ABŞ prezidentinin xüsusi nümayəndəsi Stiv Uitkoffu çərşənbə günü günün birinci yarısında Peterburqdakı Konstantinovski sarayında qəbul edəcək.
