Rusiyalı milyarder Roman Abramoviç "Valensiya"nı almağı düşünür.
Sitat.info Qol.az-a istinadən xəbər verir ki, bu barədə Diario AS məlumat yayıb.
La Liqa təmsilçisi azarkeşləri yeni sahibin gəlişi ilə klubun işlərinin yaxşılaşacağını gözləyirlər.
Qeyd edək ki, Abramoviç əvvəllər "Çelsi"nin sahibi olub. O, 2022-ci ilin mayında London klubunu satıb. Paytaxt təmsilçisi onun rəhbərliyi altında 5 qat İngiltərə çempionu, 2 dəfə Çempionlar Liqasının qalibi olub.
Daha sonra "Çelsi"nin hüquqlarını amerikalı iş adamı Todd Boley alıb. Klub hazırda Premyer Liqanın turnir cədvəlində 26 oyundan 36 xalla 11-ci yerdədir.