Sosial şəbəkələrdə gözləri bağlı fələstinlilərin Qəzzanın şimalında İsrail Müdafiə Qüvvələrinin (IDF) əsgərləri tərəfindən aparıldığını əks etdirən görüntülər yayılıb.
Siitat.info xəbər verir ki, Sky News tərəfindən təsdiqlənmiş videoda, Qəzzanın qaçqın düşərgələrindən birinin yerləşdiyi İndoneziya Xəstəxanasının yaxınlığından İsrail əsgərləri tərəfindən bir qrup insanın aparıldığı göstərilir.
Əsgərlər tərəfindən qabağa itələnən fələstinlilərin əllərinin arxalarına bağlandığını, ayaqyalın gəzdiklərini görmək olar.
Sky News bu gün yayılan və İsrail əsgəri tərəfindən çəkildiyi güman edilən görüntülərin geolokasiyasını təyin etsə də, onun dəqiq nə vaxt qeydə alındığı bəlli deyil.
Məkan, dünən hərbçilərin ərəb sözçüsü tərəfindən Telegram-da yayımlanan İDF görüntüləri ilə eynidir.
Sözçü 150 "terrorçu"nun həbs edildiyini, 20 mindən çox fələstinlinin isə Cəbəliyyə bölgəsini tərk etdiyini iddia edir.
İsrail, HƏMAS-ın yenidən qruplaşmasının qarşısını almağa çalışdığını iddia edərək, son bir neçə həftə ərzində Qəzzanın şimalında əməliyyatlarını gücləndirib.
Məğrur,
Sitat.info