Dünyanın ən böyük kriptovalyutası olan Bitkoin ABŞ-da noyabrın 5-də keçirilən seçkilərdə Donald Trampın qələbəsindən sonra dəyərini 50 faizdən çox artıraraq 106 min dolları keçib və yeni rekord qırıb.
Sitat.info xəbər verir ki, Asiya bazarlarında ticarət zamanı bitkoinin qısa müddət ərzində geriləyərək 105 min dollara düşüb.
Tramp administrasiyasının kriptovalyutalara hazırkı Bayden administrasiyasına nisbətən daha müsbət baxdığına dair fikir bazarları hərəkətə keçirib.
Yeni seçilmiş prezident Tramp ötən cümə axşamı verdiyi açıqlamada ABŞ-ın strateji neft ehtiyatına bənzər Bitcoin və digər rəqəmsal aktivlər üçün milli ehtiyat yaratmağı düşündüyünü təkrarlayıb.
150 min dolları keçə bilər
Bir çox investor Bitcoin-in ilin sonuna qədər 120.000 dolları keçəcəyini və 2025-ci ilin ortalarına qədər 150.000 dolları keçəcəyini proqnozlaşdırır.
Digər tərəfdən, Trump, Silikon Vadisi sahibkarı David Sacks-i süni intellekt və kriptovalyuta siyasətlərini idarə etmək üçün bu sahələrdə xüsusi nümayəndə təyin etdi. Sacks PayPal-ın keçmiş icraçı direktoru və Trampın müşaviri İlon Maskın yaxın dostu kimi tanınır.
Nigar,
Sitat.info
