Rusiyanın Ufa və Kirov hava limanlarında da təyyarələrin gəlişi və gedişi müvəqqəti məhdudlaşdırılıb.
Sitat.info xəbər verir ki, məlumatı Rosaviasiya nümayəndəsi Artem Korenyako Telegram kanalında yayıb.
Məlumata görə, Kirovdakı hava limanının fəaliyyəti Moskva vaxtı ilə saat 18:45-dən, Ufada isə saat 18:50-dən dayandırılıb.
Qeyd edək ki, bu gün səhər və günortadan sonra Saratov, Ulyanovsk, Samara və Kazan hava limanlarında da analoji məhdudiyyətlər tətbiq edilib.
Bu addımlar “mülki təyyarələrin uçuşlarının təhlükəsizliyini təmin etmək üçün” atılıb. Həmçinin bildirilirdi ki, “Xalça” planı Nijnekamskda hava hücumu həyəcanı fonunda tətbiq edilib. Kazan, Samara və Nijnekamsk hava limanlarında məhdudiyyətlər saat 19:20-dən götürülüb. Lakin saat 21.00-da yenidən Nijnekamsk hava limanında uçuşlar dayandırılıb.